Li Wargeha Penabaran a Şehîd Rûstem Cûdî (Mexmûr) çalakiya greva birçîbûnê ya li dijî tecrîda li ser Rêberê Gelê Kurd Abdullah Ocalan hatî destpêkirin ji aliyê koma 17’emîn ve hate dewrgirtin.
Li Wargeha Penabaran a Şehîd Rûstem Cûdî (Mexmûr) greva birçîbûnê ya li dijî tecrîda li ser Rêberê Gelê Kurd Abdullah Ocalan hatî destpêkirin, di roja 33’yemîn de didome. Bi merasîmekê îro ji aliyê koma 17’emîn ve çalakî hate dewirgirtin. Merasîma dewirgirtinê bi deqeyek rêzgirtina ji bo şehîdên Tevgear Azadiya Kurdistanê re destpê kir.
Piştî rêzgirtinê ji koma 16’an Evdilkerîm Tunç axivî û got: “Weke gelê wargeha Mexmûr armanca tevlîbûna me ya vê çalakiyê ji bo şikandina tecrîda li ser Serokê me û bi fîzîkî azadkirina Serokê me ye. Heta ku em Serokê xwe ji zindanê dernexin, em dest ji çalakiyên xwe bernadin. Ji bo wê jî ez bang li gelê Kurd yê her çar aliyên Kurdistanê dikim ku hemû destê xwe bidin hev da ku em bikaribin serokê xwe ji zindanê derbixînin. Her wiha banga min ji bo keç û xortên Bakûrê Kurdistanê heye ku dest bi çalakiyên hîn xurtir bikin ku faşîzma AKP-MHP’ê hilweşînîn. Em bi Serokê xwe re bi awayek azad jiyan bikin.”
Piştî axaftina Tunç, koma 17’an çalakî dewir girt.
Merasîm bi dirûşmên ‘Bijî Serok Apo’ û ‘Bijî Berxwedana Zindanan’ bi dawî bû.
(en-xt/ (ab)