Hevserokê Partiya Jiyana Azad a Kurdistan (PJAK) Siyamend Muînî derbarê serdana serokkomarê Îranê ya ji bo bajarê Sine ya Rojhilatê Kurdistanê de got; “Hatina Reîsî ya ji bo Kurdistanê, piştî wê çêbû ku destê wî bi xwîna gelê me sor bûye, ev karek bêşermaneye. Ev jî tenê bi kujerek weke Reîsî dikare bê kirin.”
Hevserokê Partiya Jiyana Azad a Kurdistanê (PJAK) Siyamend Muînî derbarê serdana serokkomarê Îranê Îbrahîm Reîsî ya ji bo bajarê Sine ya Rojhilatê Kurdistanê de, li ser malpera xwe ya twîterê peyamek belavkir.
Muînî di peyama xwe de got; “Divê gelê me bi grev û valekirina kolan û rêyan, helwesta xwe ya zelal nîşanî rejîmê bide. Em naxwazin rûyê wan bibînin.”
(nr)