Parlamentoya Herêma Kurdistanê li ser paşxistina mûçeyê karmendan civiya. Lê ji ber nerazîbûna parlamenteran alozî çêbû û civîn hate rawestandin. Ji bilî fraksiyona PDK’ê hemû fraksiyonên nava parlamentoyê de li hemberî paşxistina mûçe û rewşa aborî ya herêmê nerazîbûna xwe nîşandan.
Duh 24 parlamenteran, daxwaznameyak radestî serokatiya parlamentoya Herêma Kurdistanê kirin. Di daxwaznameyê de hate xwestin ku civînek li ser paşxistina mûçeyê karmendan were lidarxistin. Li ser vê yekê parlamento îro di saet 12:00’an de civiya, lê civîn bi aloz destpêkir û hate rawestandin.
Ji bilî fraksiyona PDK’ê hemû fraksiyonên di nava parlamentoya Herêma Kurdistanê de nerazîbûna xwe nîşanî paşxistina mûçe û rewşa xirab ya herêmê dan.
Piştî ku civîn hate rawestandin, daxuyaniyên çapemeniyê hatin dayîn. Serokê fraksiyona Komeleya Îslamî Ebdulstar Mecîd got ku divê serokatiya parlamentoyê were guhertin û nerazîbûna xwe nîşa paşxstina mûçeyê herêmê nîşanda.
Endamê fraksiyona Nişfê Nû Kazim Faruq jî got ku tiştek ji mijara paşxistina mûçeyê karmendan girîngtir nînin. Divê hikumet were parlametnoyê û li ser mijarê agahiyan bide.
Endamê fraksiyona Goran Elî Heme Salih jî axivî û got; “Heya niha nayê zanîn wê çawa mûçeyê karmendan were belavkirin. Herwiha beşa dahata neftê nayê zanîn, qaçaxçitiya li sînoran dewa dike, li gorî tê gotin dahata vê qeçaxçitiyê her meh digihe 170 milyar dînar. Divê civîn li ser paşxistina muçe were lidarxistin.”
Ji Fraksiyona YNK’ê Ziyad Cebar jî axivî û da zanîn ku ew dixwazin parlamento li ser mijara paşxistina mûçe kom bibe û hikumet jî di civînê de agahiyan parve bike.
(nr)
