Malbata Zekî Mihemed Çelebî ku li Silêmaniyê hate qetilkirin ji bo cenazeyê wî derbasî Bakurê Kurdistanê bikin amadekariyan dike. Niha bi karê îdarî ve mijûl in.
Penaberê siyasî yê ji Bakurê Kurdistanê û xwediyê Xwaringeha Deniz a li Silêmaniyê Zekî Mihemed Çelebî di şeva 17’ê Gulanê de li ber deriyê xwaringeha xwe hate gulebarankirin û piştre li nexweşxaneya Silêmaniyê jiyana xwe ji dest da. Cenazeyê wî niha li morga Silêmaniyê ye.
Wê cenaze derbasî Bakurê Kurdistanê bikin. Ji bo vê malbata wî bi karên îdarî ve mijûle. Wê cenaze li bajarê Wanê were veşartin.
Herwiha wê Partiya Demokratîk a Gelan (HDP), Komeleya Karkerên Mezopotamya û penabarên siyasî yên Bakurê Kurdistanê li bajarê Silêmaniyê têkildarî qetilkirina Zekî Çelebî de daxuyaniyê bidin. Herwiha wê bernameya merasîma oxirkirina Zekî Çelebî ji eşkere kirin.
(ab)
