Kampanyaya Hevdengiyê ya bi Girtiyên Behdînanê bang li muxalefetê, serokkomarê Iraqê, rêxistinên mafê mirovan û nûnertiyên konsolosên li herêmê kir da ku dijî binçavkirina girtiyên Behdînanê xwedî helwest bin.
Dihat payîn îro li Dadgeha Hewlêrê 4 atkivîstên Behdînanê Mesud Elî Hacî, Bendewar Eyub Reşîd, Karker Ebas Elî û Şêrwan Teha emîn bihatiban dadgehkirin. Lê Danişîna Dozê carek din taloqî 20’ê Cotmehê hate kirin.
Kampanyaya Hevdengiyê ya bi Girtiyên Behdînanê re li ser asta navxweyî derve ji bo girtiyan çalakî lidarxistin. Endamê kampanyayê li ber derê dadgehên li bajar û navçeyên Herêma Kurdistanê, Hewlêr, Silêmanî, Germiyan, Çemçemal, Koye û Helebceyê kombûn û piştevaniya xwe ya ji bo Girtiyên Behdînanê anîn ziman.
Helebceyê
Di daxuyaniya ku ji aliyê Kampanyaya Hevdengiyê ya bi Girtiyên Behdînanê de hatî belavkirin de hate gotin; “Rewşa tendirustiyê ya girtiyan gelek xirabe. Divê hemû xelkê Herêma Kurdistanê bizanin ku rojnamevanên Behdînanê ji bo ku daxwaza mafê me hemûyan kirine, niha dibin çavan dene. Ji bo wê pêwîste he kes dengê xwe bilind bike û xwedî li girtiyan derkevin. Di van deman de ku hemû partî ji bo hilbijartinan daxwaza dengan dikin, carek din danişîna girtiyan hate taloqkirin. Bê yî ku rewşa girtiyan berçavan bigrin, danişînê paşxistin, ji ber ku rewşa hinek girtiyan gelek xirabe.”
Hewlêr
Di dewama daxuyaniyê de bang li aliyên di nava hikumetê de hate kirin da ku xwedî helwest bin û muxalefet jî bi hevre li ser vê mijarê xwedî helwest be. Bang li serokkomarê Iraqê jî hate kirin da ku xwedî helwest be.
Di dawiya daxuyaniyê jî de bang li hemû nûnertiyên konsolosên li Herêma Kurdistanê û rêxistinên mafê mirovan jî hate kirin da ku ji bo azadiya girtiyên Behdînanê zextê li desthilatdariyê bikin.
Koye
Hêjayî gotinê ye zêdetirî saleke nêzî 100 rojnamevan û çalakvanên herêma Behdînanê hatine binçavkirin. Li hinek ji wan hikum hatine birîn, hinek dosya wan li dadgehê ne bi encam nebûne. Hinek jî li benda dadgehkirinê ne. Girtî ne tên dadgehkirin nejî tên berdan.
