Meclîsa Medya Dijîtal a Kurdistanê li dijî terorîzekirin û qedexekirina PKK’ê li qada navnetewî û herêmî di asta navnetewî de li ser hesabên medya mecazî kampanyek bi dirûşma, ”PKK gele, gel nayê qedexekirin’ dide destpêkirin.
Meclîsa Medya Dijîtal a Kurdistanê di asta navnetewî de li dijî qedexekirin, krîmînalîzekirina PKK’ê kampanyayek li ser platformên medya mecazî dide destpêkirin. Kampanya wê bi dirûşma, ”PKK gele, gel nayê qedexekirin” birêve biçe.
Daxuyaniya kampanyayê wiha ye;
”Gelê Kurd, li ser Kurdistana hatiye çar parçekirin bi sedan salane bi rêbazên hovane, tê talankirin, wêrankirin, qetilkirin û çewisandin. Gelê Kurd yê qedîm ku bi deh hezaran mirov ji dest dane, mafê wan yê jiyanê ji destê wan tê girtin. Statûya wan ya siyasî û civakî nayê naskirin. Lê belê gelê Kurd jî weke hemû gelên din yên cîhanê heye û ji bo parastina vê û azadiya xwe neçar dimîne têkoşînê bike.
Ji ber vê çendê jî PKK, encama vê têkoşîna gel a rewa û hatî pejirandine. PKK, navê serhildana li dijî tunekirin û tune hesibandinêye, her wiha nasnameya hebûna gelê Kurd e.
Di serî de dewleta Tirk ya faşîst û hêzên dagirker yên herêm û cîhanê, bi salan ev rasti nepejirandin, her wiha ji bo PKK’ê weke tevgerek ya sûc nîşan bidin hemû rê û rêbaz ceribandin. Di kesayeta PKK’ê de li dijî gelê Kurd bûne hevkar û pêkhênerên komployê. Ji sala 1993’an û vir ve bi bêhiqûqiyeke dîrokî PKK xistin lîsteya rêxistinên terorê.
Ev nayê pejirandin. PKK rewşa rêxistinkirî ya gelê Kurd e. Ji bo gelên cîhanê ji belaya terorîstên DAIŞ’ê rizgar bibe, PKK xwe ji çi bedelan neda paş. Ji ber vê PKK tevgereke azadiyê ye, enternasyonalîste û cîhanî ye.
Ji bo em vê rastiyê hêj bêhtir qîr bikin û dawî li neheqiya li ser gelê Kurd tê meşandin bînin, roja 26’ê Mijdarê li gorî demjimêra Amedê 20.00 û demjimêra Brukselê 18.00’an de li tevayî platformên medya dijîtal de em kampanyayekê didin destpê kirin.
Werin em hemû bi hev re dawî li vê neheqiyê bînin. Em hemû bi hev re azadiyê, demokrasiyê, dadê û yekgirtina birûmet a gelan biparêzin.”
(bz)
