Karmendên Saziya Ceyrana Raperîn ji ber ku hîn mûçeyên meha Sibatê nestandine dest ji kar berdan û diyar kirin ku saziya dahatek zêde heye, lê mûçeyên wan nayê dayîn û gotin ku nikarin kiriya xaniyên xwe bidin.
Karmendên Saziya Ceyrana Raperîn îro ji ber ku hîn mûçeyên meha Sibatê nestandine dest ji kar berdan.
Wan karmendan gotin: “Tenê di dema Sibatê de saziya me yek milyar û 200 milyon dînar radestî Banka Ranya kiriye. Mûçeyên hemû karmendên ceyranê ya îdareya Raperîn zêdetirî 600 milyon dînare, lê hîn mûçeyên meha Sibatê jî nedane me. Hîn piraniya karmendan nekarîne kiriya xaniyên xwe bidin. Rewşa me ya borî xerabe.”
Di 15’ê Adarê de Hikûmeta Iraqê di civîna xwe de qebûl kir ku 200 milyar dînar ji bo mûçeyên karmendên Herêma Kurdistanê bişîne.
Di 17’ê Adarê de Wezareta Darayî ya hikûmeta Herêma Kurdistanê lîsteya parvekirina mûçe eşkere kir. Li gorî bernameyê pêwîstbû ji berî cejna Newrozê hemû mûçe were parvekirin. Lê, ji ber li banka pere nîne hîn mûçeyê beşek ji kamendan nehatiye dayîn. Ev jî bûye sedema fikara mûçexweran.
(ab)
