Komeleya Bejin Kurtan a Kurdistanê di 28. salvegera damezrandina komeleyê de, bi armanca nûkirin û pêşxistina karê komeleyê, pêncemîn kongreya xwe lidar xist.
Ji beriya danê nîvro li navenda Komeleya Bejin Kurtan a li Silêmaniyê bi amadebûna Wezîra Karûbarê Civakê ya Herêma Kurdistan û Serokê Komeleya Bejin Kurtan Umer Cebar û gelek kesên xwediyê pêwîstiyên taybet salvegera 28. salvegera damezrandina Komeleya Bejin Kurtan a Kurdistanê pîroz kirin. Heman demê de 5. kongreya xwe jî li darxistin.
Kongre bi deqeyek rêzgirtin ji bo şehîdên Kurdistanê destpê kir û piştre serokê Komeleya Bejin Kurtan a Kurdistanê Umer Cebar axaftina vekirinê kir. Cebar destnîşan kir ku ji beriya avakirina komeleyê beşek mezin yê malbatan şerm dikirin ku bêjin kesek ji malbatê bejin kurte.
Her wiha Cebar diyar kir ku yek ji destkeftiyên komeleyê pêşwazîkirina pêwîstiyên bejin kurtan bû û spasiya her kesê ku alîkarî dayî wan kir.
Di heman merasîmê de Wezîra Karûbarên Civakê ya Hikûmeta Herêma Kurdistanê Kiwêstan Mihemed axivî û serkeftinê ji kongreya 5’an a bejin kurtan re xwest.
Kiwêstan Mihemed got: “Di vê salvegerê de dirûşmeya me ‘Rêz bidin bejin kurtan û kesên xwedî pêwîstiyên taybet, ne rehmê bikin’ e.”
Hêjayî gotinê ye ku Komeleya Bejin Kurtan a Kurdistanê ji beriya 28 salan ango di 26’ê Mijdara sala 1994’an de hatiye damezrandin û di sala 2003’an de li Herêma Kurdistanê fermî bûne.
(fk)
