Şahiya pîrozkirina 44’emîn salvegera damezirandina PKK’ê ya li Binarê Qendîlê bi gotina stran û govendê bi dawî bû. Di pîrozbahiyê de peyama PKK’ê hat xwendin û hate gotin, “Pêwîste sala nû ya têkoşîna PKK’ê bikîn sala azadiya fîzîkî ya Rêber Apo û statûya siyasî ya Kurdan mîsoger bikîn.”
Di saetên piştî nîvro de li gundê Bukirîsan a Binarê Qendîlê pîrozbahiya 44’emîn salvegera damezirandina PKK’ê bi dirûşma, “Bi ruhê berxwedana gerîla salvegera damezirandina PKK’ê pîroz dikin” destpêkiribû.
Li qada pîrozbahiyê alên PKK, HPG, KJK û wêneyê şehîdên pêşeng ên PKK’ê Mazlûm Dogan, Sakîne Cansiz, Egîd, Diyar Xerîb, her wiha wêneyê sembola Şoreşa Rojhilat û Îranê Jîna Emîn û dîsa wêneyên şehîd Nagîhan Akarsel û Bêrîvan Zîlan û gerîlayên demên cuda şehîd bûne hatin hildan.
Bi sedan kesên ji her çar parçeyeyên Kurdistanê tevlî pîrozbahiyê bûn. Di şahiyê de peyama PKK’ê û Tevgera Azadî ya Civaka Kurdistanê (Tevgera Azadî) hatin xwendin.
Di şahiyê de peyama PKK’ê hate xwendin û hate gotin: “Dewleta Tirk hemwext êrîşî Rojava û Başûrê Kurdistan dike, ji bo destketên bi xwîna şehîdan hate bi destxistin tine bike. Gerîla li dijî van êrişan di nava têkoşîn û berxwedaneke bêhempa de ye. Metirsiyên mezin li ser destketiyên Başûrê Kurdistan hene, eger pîvanên PKK li ser ava bûye esas bê girtin, ti hêz nikare me û destketiyên me tine bike. Pêwîste gelê me tevlî Pêngava Şerê Gelê Şoreşgerî bibe, bi gerîla re bibe yek, bi yek hêz û yekgirtî li dijî dagirkeran raweste Kurdistanê azad bike. Sala nû bikin sala azadiya Rêber Apo, statuya azadî ya Gelê Kurd mîsoger bikin.”
Piştre peyama Tevgera Azadî hate xwendin, salvegera PKK’ê hate pîrozkirin û hat gotin: “Gelê me ji dîrokê ve gelek têkoşer û xwe ragire.”
Di dewama daxuyaniyê de qala berxwedana gerîla hate kirin û hate gotin, “Gerîla parazvanên gelê Kurd e.”
Piştre hunermend, komên muzîkê û dengbêj û Koma Govendê ya Rojavayê Kurdistanê derketin ser dikê berhemên xwe pêşkêş kirin.
Pîrozbahî di dirûşmên “Bijî PKK”, “Bijî Serok Apo” û “Jin, Jiyan, Azadî” her wiha girtina govendê bi dawî bû.
(kş)
