Bi pêşengtiya Ciwanên Êzidî û Jinên Ciwanên Êzidî û bi amedebûna endamên TAJÊ li ser dagirkeriya Tirk a li dijî Başûrê Kurdistanê û berxwedana gerîla ya li dijî dagirkeriyê civînek ji şêniyên Duholê ya Şengalê re çêkir. Piştî civînê stranbêjên Êzîdxanê derketin ser dikê û bi stranan piştgirî dan berxwedanê.
Li Duholaya Şengalê bi pêşengtiya Ciwanên Êzidî û Jinên Ciwanên Êzidî û bi amedebûna endamên TAJÊ civînek ji bo şêniyên gund û yên derdor hate lidarxistin. Civîna ku ji aliyê berdevka TAJÊ Sabîha Sebrî ve hate birêvebirin, bi yek deqîqe rêzgirtin destpêkir.
Sabîha Sebrî diyar kir li gel êrîşên dijwar ên li dijî qadên gerîla, Şengal jî di demeke giran re derbas dibe û got: “Êrîşên li ser çiyayên Kurdistanê û yên li ser Şengalê bihev ve girêdayîne. Em vê plana hevpar şermezar dikin.”
Sabîha Sebrî dazanîn PDK û hikûmeta Kazimî jî hevparên êrîşên dewleta Tirk ên li ser çiyayên Kurdistanê, Rojava û Şengalin û got: “Dayîkên me yên Êzidî gotin, gerîla zarokên me ne. Divê em bizanin ew ji bo kê û çima şer dikin. Divê em weke civaka Êzidî bizanin hemû destkeftiyên me ji saya gerîlaye.”
Piştî cîvînê, stranbêjên herêmî yên Çand û Hunera Êzîdxanê çûn ser dikê û bi stranên xwe piştgirî dan berxwedana gerîla ya li dijî dagirkeriyê û govend hate gerandin.
(bz)
