Meclîsa Xweseriya demokratîk a Şengalê (MXDŞ) li ser rewşa herêmê û geşedanên dawî bi awayekî awarte civiya.
Civîn li avahiya Meclîsa Gel a Xanesorê bi beşdariya nûnerên hemû saziyên rêveberiya xweser, nûnerên YBŞ û Asayîşa Êzidxan destpê kir.
Di civîna ku bi deqeyek rêzgirtinê destpê kir de, Hevseroka MXDŞ’ê Xezal Reşo axaftina destpêkê kir û got: “Em di rojên dîrokî de derbas dibin. Gelek planên dijî xeta me ya azadiyê ku me hilbijartiye hene. Dixwazin me tine bikin. Lê em ji herkesî re dibêjin ku ji bilî berxwedanê tu tiştekî din ku em bikin nîn e. Pêwîste gelê me jî li kêleka hêzên xwe yên parastinê cîh bigirin.”
Civîn bi nîqaşan dewam dike. Çav li rê ye ku piştî civînê daxuyaniyek bê dayîn.
