Nivîskar Simko Sabir li ser fikir û felsefeya PKK’ê got; “PKK bi coş û xûruşek nû derketiye, ji bo vê wê şoreş bigihi encamek mezin. Me di got, ‘Yan mirin yan serkeftin’ lê PKK’ê got, ‘Yan serkeftin, yan serkeftin’. Rêber Ocalalan nasnameya milyonan Kurdê tine dihat hesibandin vegerand, ji bo vê serkeftina PKK’ê nêze.”
27’ê Mijdarê roja savegera damezrandina Partiya Karkerên Kurdistan PKK’ê ye. Bi rast hatina roja vejînê re li seranserê Kurdistan û cîhanê, şahiyên pîrozbahiyê hatin lidarxistin û ji bo derxistina PKK’ê ji lîsteya terorê kampanya hatin destpêkirin. Bi deh hezaran kes xwestin PKK ji lîsteya terorê were derxistin. Li ser têkoşîn, fikir, felsefeya Rêber Ocalan û PKK nivîskar Simko Sabîr ji Rojnews re axivî.
Nivîskar Simko Sabir da zanîn ku PKK sînorê hizbî ya klasîka a Kurdiniyê derbaskiriye, bi peyam, coş û xirûşek nû hatiye. Sabîr di dewamê de diyarkir ku PKK ketiye nava civaka Kurdan de û wiha pêde çû; “PKK bi têgihiştinek nû ya exlaqî, Kurdayetî hatiye. Ev partî kariye exlaq û girîngiyek nû ji yên berê cûdatir bide gelê Kurd. Berhema fikir, felsefe û îdeolojiya wê gelek kûr û mezine. Ji bo vê şoreş wê bi bigihi encamek mezin, em hertim li hemberî dijmin çokdanî bûn, lê PKK karî serê miletê Kurd bilind bike. Car caran me digot, ‘Yan emê bimrin, yan emê serbikevin’ lê PKK ev dirûşm guhert û got ‘Yan serkeftin, yan serkeftin’. Yanî nabe em di şoreşê de kolebin, derfetê bidin dijmin û me lewaz bike.”
Nivîskar Simko behsa tezên Rêber Ocalan ya derbarê jenosîdê de jî kir û got; “Rêber Ocalan ji bo jenosîdê têgihek nû derxist holê. Rêber Ocalan gotiye jenosîda herî kûr, jenosîda çandiye. Dijminên gelê Kurd taybet dewleta Tirk a dagirker, vê jenosîdê bi tinekirina şunwar, çand û zimanê me dijî gelê me bikartîne.”
Nivîskar Simko dawiya axaftina xwe de dibêje, PKK ji fikir û felsfeya xwe girîngiyek mezin ji bo şehîdan veqetandiye, li gorî wan şehîd xwedî hemû rastiyê û azadiya meye. Ji bo vê em dibînin ku Rêber Ocalan nasnameya milyonan Kurd ku berê nedihatin hesibandin vegerandiye. Hêviya Kurdbûnê ji bo takê vegerand, ev hemû ji mere dibêjin PKK cihê kêfxweşiyê ye, serkeftina wê di demek nêzîk deye.”
(nr)
