Rêberê Gelê Kurd Abdullah Ocalan ku afînerê konfederalîzma demokratîke de xwedî gelek pirtûkane û pirtûkên wî nêzî 20 zimanên cuda hatine wergerandin û niha zanîngehên binavûdeng ên cîhanê weke çavkanî digirin dest û di bernameya xwendinê de bi cih kirine. Ji dereyî vê bi hezaran semîner û lêkolîn li ser hatine kirin.
Rêberê Gelê Kurd Abdullah Ocalan di jiyana xwe de gelek pirtûk û broşûr nivîsandine. Yekem broşûr di sala 1975’an de li gel Mihemed Heyrî Durmûş a ‘Nirxandina derbarê împarator û kolonyalîmê’ de ji bo manifestoya ‘Komeleya Demokratîk a Xwendekarên Xwendina Bilind a Enqerê’ nivîsandin. Ev bû yekem belgeya nivîskî ya komeleyê. Herwiha ew gotarên li bajarên Kurdistanê pêşkêş kirîbûn di meha Adara 1977’an hatibûn nivîsandin.
Manifestoya PKK’ê
Di 18’ê Gulana 1977’an de Heqî Karar ji aliyê dewleta Tirk ve hate şehîd kirin ku Rêber Ocalan weke ‘ruhê xwe yê veşartî’ didît, ji bo bersivdayînê û bîranînê Heqî Karar, Rêber Ocalan di peyîza heman salê de ‘bernameya partiyê’ dinivîse û di sala 1978’an de jî rojnameya Serxwebûn çap dike. Di heman salê de yekem jimar derket û Manifestoya Riya Şoreşa Kurdistanê ya Rêber Ocalan hate belav kirin.
Rêber Ocalan ji sala 1970 heta 1980’an nêzî 10 pirtûk û broşûr yên bi navê Eniya Yekgirtina Parastin û Têkoşîna Dijî Faşîzmê, Rola Zorê li Kurdistanê, Doza Rizgariya Neteweyî, Riya Çareseriyê, Li Kurdistanê Dahurandina Kesayetiyê, Teybetmendiyên Têkoşerên Şoreşger, derbarê rêxistin, derbe, erk û siyasî de nivîsandiye.
Nirxandinên Rêber Ocalan yên ji bo pirsgirêkên salên 1987 û 1990’an bi çend pirtûkan hatine nivîsandin. Ji vane Nêzîkbûna Şoreşgeran ji bo Ol, Pirsgirêka Jin û Malbatê, tazfiyekirina tazfiyekaran, PKK, Faşîsma 12’yê Îlonê û Parastin, Li Kurdistanê Xiyanet û Parastin, Di dîroka partiyê de kesayetiya xebatkar û hilbijartekên 1.2.3.4.
Rêber Ocalan rêveberiya xebata çekdarî li xwe digire û bi ‘Şerê Parastina Hebûnê’ pênase dike. Di navbera 1990’î û 1992’yan de piştgiriya zêde ya gel bi dest xist û ji bo çareseriya siyasî bi cidî bêxe rojev, divê qonaxê de pirtûkên ‘Destana Vejînê’ û ‘ Vejîn temam bû, dema rizgarbûnê hatiye’ belav kir.
Lêgerînên Rêber Ocalan yên ji bo çareseriyê û pêşniyarên bû yên ji bo aştiyê bûn çend pirtûk. Ji vane, ‘Çend hevdîtinên li gel Abdullah Ocalan, ‘Apo û PKK’, ‘Çend guftûgo li baxçeyê Kurdî de’, ‘Di derbarê doza Kurd de li gel Ocalan û Burkay’, ‘Li muhatabekê digerim- guftûgoya derbarê agirbestê de’ û ‘Kuştina zilamtiyê’
Herwiha Rêber Ocalan pirtûkên bi navên Pirsgirsêkên Şoreş û Sosyalîzmê’, Di sosyalîzmê de Israr di mirovbûnê de israrbûne, Ziman û Çalakiya Rastiyê, Dîrok Di Roja Me De Veşartiye, Çawa Bijîn 1- 2 û Evîna Kurd jî nivîsandine.
Ji destpêka komploya navneteweyî û heta dîlgirtina Rêber Ocalan, ew guftûgo û bangên Rêber Ocalan di vê pêvajoyê de kirine, di pirtûka bi navê ‘Hêviya Aştiyê’ hatin belav kirin.
Pirtûkên Rêber Ocalan ên di çarçoveya Parêznameyê de
Parêznameya PKK’ê ji bo doza Riha: Pêşkêşî Dadgeha Rihayê hate kirin, lê di dadgehkirina Îmraliyê de nehate tomarkirin
Ji bo Bersiva Pêwîst ji Dadgehkirina Îmralî û Dadgeha Mafê Mirovan a Ewropayê, Ji Ji dewleta rahip a Sumer ber bi Şaristaniya Demokratîk 1-2
Riha: Sembola Pîrozî û Neftetê, di sala 2001’an de hate belavkirin
Mirovê Azad Nasnameya Rojhlata Navîne: Di sala 2003’yan de pêşkêş kir.
Parastina Gelekê: Di sala 2004’an de pêşkêşî Dadgeha Mafê Mirovan a Ewropa kir û hate belavkirin.
Herwiha di sala 2011’an de Nexşeya Rê belav kir.
Rêber Ocalan Manîfestoya Civaka Demokratîk a ji 5 bergan pêk dihat pêşkêşî Dadgeha Mafê Mirovan a Ewropa (DDME) kir.
Manîfestoya Civaka Demokratîk – Pirtûka 1 : Șaristanî (hezîran 2009)
Manîfestoya Civaka Demokratîk – Pirtûka 2 : Șaristaniya Kapîtalîst (hezîran 2009)
Manîfestoya Civaka Demokratîk – Pirtûka 3 : Sosyolojiya Azadiyê (tîrmeh 2009)
Manîfestoya Civaka Demokratîk – Pirtûka 4: Li Rojhılata Navîn Krîza Şaristaniyê û Çareseriya Şaristaniya Demokratîk
Manîfestoya Civaka Demokratîk – Pirtûka 5: Doza Kurd û Riya Çareseriya Demokratîk
Hemû hatine parvekirin.
Herwiha hevdîtinên li Îmraliyê jî bi navê ‘Rizgariya Demorkatîk û Avakirina Jiyana Azad’ hatin komkirin û parvekirin.
Pirtûk tezên Rêber Ocalan sînorên Kurdistanê û herêmê derbas kiriye. Gihîştine welatên cîhanê. Heta niha herî kêm li 20 zimanên cuda yên weke Ingilizî, Elmanî, Rûsî, Îtalaî, Fransî, Spanî, Portukalî, Filamî, Danîmarkî, Hindî, Swêdî, Yewnanî, Baskî, Koreyî, Faransî û Erebî.
Li gorî daneyê Însyatîfa Navneteweyî ya Azadî ji Ocalan re, li zanîngeh û navendên akademîk ên cîhanê herwiha li bernameyên xwendinê, pirtûkên Rêber Ocalan weke çavkanî tên girtin. Ji derveyî hezaran semîner û lêkolîn serî li tezên Rêber Ocalan didin.
Herî zêde bi zimanê Ingilîzî derbarê Rêber Ocalan de lêkolîn û semîner hatine kirin. Li zanîngehên herî diyar ên Brîtanya yên weke Zanîngeha Oxfordê û Zanîngeha Kambirînc sûdê ji pirtûkên Rêber Ocalan digirin.
Li welatên ku pirtûkên Rêber Ocalan nehatine vegerandin, Însyatîfa Navneteweyî ya Azadî Ji bo Ocalan li wan welatan semîner derbarê tezên Rêber Ocalan tên organizekirin. Weke welatên Emerîka Latîn, Başûrê Efrîqa, welatên Îskendenavya û Çînê.
(ab)
