PJAK’ê ragihand ku herêmên gerîla bûne navenda sereke ya berxwedan û têkoşîna gelê Kurd û got; “Çarenûsa Kurdistanê bi serketina gerîla û yekîtiya gel ve girêdaye.”
Partiya Jiyana Azad ya Kurdistanê li ser rewşa siyasî û berxwedana siyasî ya li Rojhilatê Navîn û Kurdistanê nirxandinek parvekir.
PJAK’ê ragihand ku Rojhilatê Kurdistan û beşên din yên Kurdistanê li ser hev bandorê dikin, Îran jî beşek ji bûyerên Rojhilata Navîne û ev mijar bûye sedema wê ku PJAK di van şert û mercane de xwendinek rast ya stratejî bike û takê hişyar bike.
Di beşek din ya nirxandina xwe de PJAK’ê got; “Li Rojhilatê Kurdistan, civak ji ber bêdengkirinên cûda yên li beşdên din ên Îranê, di qonaxa berxwedanê de dewam dikin. Ji ber vê jî di aliyê xwedî derketina hêviyên demokrasiyê de, cudahiyek zêdetir bi muxalefeta Îran din re heye.
Bernameya welatên serdest ên cîhanê li gorî bernameyên dewletên dagirkerên ser Kurdistanê ye, mînaka herî berçav rewşa NATO û peywendiyên bi Tirkiyeyê re. NATO hertim bi komkirina hêz û desthilata dijî gelê Kurd re mijûle. Bê guman demokrasiya nîvçe ya welatên Ewrupayê bi sîstema Erdogan ya li ser Kurdan re nêzî hevin û hevdû temam dikin. Lê di heman demê de di nava pêşbirk û nakokiyê dene.
Nasyonalîst û beşek ji partiyên klasîk ku pişta xwe dena dewlet-netewê, di kûrahiya vê nakokî û dijbertiyê de cihê xwe girtine û ev jî bi xwe derbeya herî mezin li projeya yekîtiya netewî dide.”
PJAK’ê di dawiya nirxandina xwe de got; “Îro herêmên gerîla bûne navenda sereke ya berxwedan, têkoşîna gelê Kurd û niha jî nirxên herî pîroz dinivîsin. Asta berfirehkirina şer gihiştiye qonaxa çareseriya partiyên Kurd ên li her çar parçeyan ku hev bigrin. Ji ber ku Tevgera Apoyî, her çar parçeyên Kurdistanê weke milkê Kurdistanê birêxistinkiriye û hemû muxalefeta Kurd jî bi vê rastiyê dizanin.”
(nr)
