Serokê Fraksiyona Komeleya Dadgerî diyarkir ku 39 parlamenteran projeyasaya sereraskirina yasaya hilbijartinê ya hilbijartinên parlamentoya Herêma Kurdistanê, pêşkêşî Desteya Serokatiya Parlamentoyê kirine.
Serokatiya Parlamentoya Herêma Kurdistanê xwest hemû fraksiyonên di nava parlamentoyê de, pêşniyarên xwe ên ji bo sererastkirina yasaya hilbijartinê ya Parlamentoya Herêma Kurdistanê, pêşkêşî Desteya Serokatiya Parlamentoyê bikin. Ji bo vê jî îro roja dawi ye.
Serokê Fraksiyona Komeleya Dadgerî ya li Parlamentoya Herêma Kurdistanê Ebdulstar Mecîd ragihand ku 39 parlamenterên ji fraksiyonên cûda, pêşniyara ji bo yasaya hilbijartinê ya Parlamentoya Herêma Kurdistanê, radestî Desteya Serokatiya parlamentoyê kirine.
Ebdulstar Mecîd got; “Ev projeyasa di encama civîna Desteya Serokatiyê û Serokên Fraksiyonan de derketiye, emê hewl bidin bi fraksiyona PDK’ê û pêkhateyan re, projeyasa li parlamentoyê were pejirandin.”
Hêjayî gotinê Serokê Herêma Kurdistanê Nêçîrvan Barzanî 1’ê Cotmeha 2022’an ji bo hilbijartinên Parlamentoya Herêma Kurdistanê destnîşankiriye. Lê piştre Komîsyona Hilbijartinê ya herêmê ragihand ku ew ji ber dema wan ya yasayî derbasbûye, nikarin hilbijartinê birêvebibin.
(nr)
