QSD`ê ragihand ku tu têkiliya wan bi kuştina serçeteyê DAIŞ`ê Ebû El Hesen El Qureyşî re tune ye. QSD’ê di daxuyaniya xwe de got: “Parastina herêmên me û gelê me yên li Bakur û Rojhilatê Sûriyê ji êrişên dewleta Tirk a dagirker di dema niha de ji bo hêzên me erka herî sereke ye. Lê dîsa jî em rê nadin ku DAIŞ sûd ji êrişan bigire û êriş herêmê bike.”
Navenda Ragihandinê ya Hêzên Sûriya Demokratîk (QSD) têkildarî kuştina serçeteyê DAIŞ`ê Ebû El Hesen El Qureyşî daxuyaniyek belav kir.
Di daxuyaniyê de hat diyar kirin ku tu têkiliya QSD’ê bi kuştina serçeteyê DAIŞ`ê re tune ye.
Daxuyaniya QSD’ê wiha ye:
“Parastina herêmên me û gelê me yên li Bakur û Rojhilatê Sûriyê ji êrişên dewleta Tirk a dagirker di dema niha de ji bo hêzên me erka herî sereke ye. Lê tevî vê jî hêzên me rê nadin ku DAIŞ ji van êriş û derfetên dagirkeriya Tirk sûd bigire û êrişan pêk bîne. Hêzên me bi operasyonên pêşwext ên bi rêxistinkirî rê li ber êrişên muhtemel ên DAIŞ`ê digire û nahêle ew êriş li dijî kamp û zindanan DAIŞ`iyan pêk were.
Li vir em radigihînin ku em beşdarî kuştina serkirdeyê nû yê DAIŞ`ê Ebû el-Hesen El Qureyşî nebûne û ti têkiliya me bi kuştina wî re nîne.”
