Rêxistina Jinên Azad a Kurdistanê bi boneya 21’ê Sibatê Roja Zimanê Dayîkê daxuyaniyek belavkir. RJAK’ê ragihand ku ewê weke jin rolê xwe yê parastina zimanê Kurdî de, aktîvtir bikin.
Îro 21’ê Sibatê Roja Zimanê Dayîkê ye, bi boneya rojê Rêxistina Jinên Azad a Kurdistanê (RJAK) daxuyaniyek nivîskî belavkir. RJAK’ê despêkê roja zimanê dayîkê li hemû gelên ji bo zimanê xwe têdikoşin pîroz kir.
Di dewama daxuyaniyê de ev tişt hatin gotin; “Çawa dayîk bingeha jiyanê ye, di hebûna dewamiya ziman de jî, xwedî rolek sereke ye û ev rol dewam dike. Her dagirker bixwaze gelek, netewek ji holê rake, ji ziman destpê dike. Dagirkeran hertim zimanê Kurdî qedexe kiriye, ziman û çanda xwe bi ser me dane ferz kirin.
Em weke jin çawa rolê me di parastina zimanê Kurdî de heye, wiha jî erka me ye ku em vê yekê bipêşbixin. Ji ber ku gelê Kurd li her çar parçeyên Kurdistanê xwedî ziman û zaravayek dewlemende.”
(nr)
