Muqedem (Yarbay) Mihemed Arif Ji ber li ser binpêkirinên mafan, rexne li hêza Zêrevanî ya girêdayî PDK’ê kir, ev sê roj in ji aliyê Parastina PDK’ê ve hatiye girtin û heta niha jî nehatiye berdan.
Roja 11’ê Çile Axfîn Mihemed Arif, li ser hesabê xwe yê facebookê peyamek belavkir û got bavê wî (Mihemed Arif) di saetên sibehê de çûye baregeha Zêrevanî ya li Hewlêrê, piştre telefona wî hatiye girtin û ti xeber jê nayê standin.
Mihemed Arif xelkê devera Behdînane û di nava hêza Zêrevanî de wek Muqedem (Yarbay) erkdare. Kurê wî Axfîn diyar dike beriya bavê wî were girtin, ji ber bê mafiya li beramberî wî hatibû kirin, rexne li hêza Zêrevanî kiribû. Axfîn diyar dike piştre bangî bavê wî dikin, piştî bavê wî diçe baregeha Zêrevanî ya li Hewlêrê wan ji wê demê ve ti xeber jê negirtine.
Piştî belavkirina vê peyamê, Parastin li gel malbata Mihemed Arif di axive û ji wan re dibêje Mihemed li cem wan girtiye.
Li gorî zanyariyên ku ji malbatê hatine bi destxistin, heta niha jî Mihemed Arif nehatiye berdan.
(kş)
