Li wargeha penaberan ya Mexmûrê 3 jinên şoreşger hatin bi bîr anîn. Li ser jiyana û têkoşîna jina şoreşger Sakîne Cansiz sînevîzyonek hate nîşandan.
Yek ji damezirînera Partiya Karkerên Kurdistan PKK’ê Sakîne Cansiz (Sara), Nûnera KNK’ê ya Parîsê Fîdan Dogan (Rojbîn) û Endama Tevgera Ciwanên Kurd Leyla Şaylemez (Ronahî) di 9’ê Çileya 2013’an de li navenda Parîsê hatin qetilkirin. Li seranserê Kurdistan û cîhanê jinên şoreşger bi çalakiyên cûda têne bibîr anîn.
Li Wargeha Penaberan a Şehîd Rustem Cûdî (Mexmûr) duh êvarî bi pêşengtiya Kevana Zêrîn jinên şoreşger hatin bi bîr anîn.
Li salona Mala Gel bi dehan şêniyên wargehê amadebûn, salon bi wêneyên Sakîne, Leyla û Fîdan hatibû xemilandin.
Merasîma bibîranê bi deqeyek rêzgirtin ji bo tevahî şehîdênTEvgera Azadiya Kurdistanê destpêkir. Piştî rêzgirtinê li ser têkoşîn û jiyana şehîd Sara sînevîzyonek hate temaşekirin.
Piştî sînevîzyonê merasîm bi dirûşmeyên ‘Bijî Serok Apo’, ‘Şehîd Namirin’ dawî bû.
(nr)
