Seroka Parlamentoya Herêma Kurdistanê Rêwaz Fayeq ragihand ku pêwîstiya yasaya hejmara 8 ya jinan, bi sererastkirinê heye. Rêwaz Fayeq da zanîn ku sal bi sal tûndûtûjiya ser jinan zêde dibe.
Seroka Parlamentoya Herêma Kurdistanê Rêwaz Fayeq îro tevlî konferansa ‘Wekheviya zayendî û stratejiya hêza jinan’ a li bajarê Hewlêrê bû. Rêwaz Fayeq di konferansê de axivî û behsa tûndutujiya ser jinan kir.
Rêwaz di peyama xwe de destpêkê behsa şêwazên tûndûtujiya ser jinan dike û wiha axivî; “Sal bi sal tundûtujiya dijî jinan zêde dibe, di nava 5 salên dawî de rêjeya tûndûtujiyê cihê nerazîbûnê ye. Ev yek li ser asta tak, malbat û civakê bi awayek berçav tê dîtin. Di salên dawî de şêwaza tûndûtujiya ser jinan hatiye guhertin. Bi pêşketina teknolojiyê re, ev şêwaz hatiye guhertin û bi navek din jî bûye cihê pêkanîna tûndûtujiyê. Li gorî saziyên fermî, zêdetirî sedî 50’î şêwaza tûndûtujiyê bi amêrên peywendiyan pêktên.”
Seroka parlamentoyê di dewama axaftina xwe de diyarkir ku sedemek din a tundûtujiyê jî ne sererastkirina yasaya hejmara 8 ya sala 2011’an e.
(nr)
