Li Şengalê wê Belgeflîma Rojnemevan Şehîd Nûjiyan ji bo cara yekemîn bê pêşandan, ji bo beşdariya di temaşekirina Belgeflîmê de li ser rêyên sereke pankart hatin daliqandin û banga beşdariyê li gel hate kirin.
Şehîd Nûjiyan Erhan ku bi kamîreya xwe di dema fermana 3’ê Tebaxa 2014’an a li ser civaka Êzidî, bû rêyek ji bo gehandina êş û azarên civaka Êzidî ji bo raya giştî a cîhanê. Kar û xebatên wê hêjayê nivîs, belgefilm û şahidiyê hatiye dîtin. Liser wê esasî bi Derhêneriya Jînda Asimîn liser keda Şehîd Nûjiyan ku di 3’ê Adara 2017’an bi destê Çeteyên binavê Pêşmergeyên Roj ê ser bi PDK’ê ve li Xanesorê birîndar bû û jiber graniya birîna xwe şehîd ket, belgeflîmek hatiye çêkirin. Ev belgeflîm wê di 28 û 29’ê Gulanê de li Navenda Şengalê ji aliyê Tevgera Azadiya Jinên Êzidî û Meclisa Xweseriya Demokratîk a Şengalê ve bê pêşandan.
Ji bo agehdarbûna gel ji pêşandana Belgeflîmê li tevahiya rêyên sereke ên li gund û navçeyên Şengalê, pankart hatina daliqandin û banga beşdariya di pêşandana belgeflîmê de hate kirin.
Yek ji van cihan ku ji aliyê Endamê Mecilsa û endamên TAJÊ’ê ve pankart hatine daliqandin navenda nahiya Sinûnê û Navenda Şengalê ne.
Ji endamên TAJÊ’ê Edûl Şemo, liser keda Şehîd Nûjiyan a ji bo civaka Êzidî axivî û got : “Di dema em di fermanê re derbas bûn, li ber çavê tevahiya cîhanê gelê me di komkujiya re derbas dibû. Şehîd Nûjiyan rêya Şengalê hilbijart û berê xwe da Şengalê bi kamîreya xwe şahidiya êş û azarên gelê me ku dinava çiya de asê mabû kir. Jin zarok û kalên bê av û xwarin di çiyade mabûn, dengê wan gihande cîhanê. Ji despêka ew derbasî Şengalê bû heya roja dawî ji emirê xwe bênavber ked ji bo keç û jinên Êzdiya û tevahiya Civaka Êzidî dide. Herî dawî bi destê Pêşmergeyên hov di êrîşa ser Xanesorê de gehişta asta Şehadetê. Em wek daykên Êzidî emê heya dawî li keda wê xwedîderkevin û emê wê jibîr nekin.”
Emşê Şengalî jî ku li Şengalê Pankart daliqandin got: “ Şehîd Nûjiyan ji bo civaka me gelek ked daye, ji bo wê ev keda Şehîd Nûjiyan hêjiya temaşekirinê ye. Em jî îro dixwazin gelê xwe pê bihesînin ku beşdarî ti temşekirina belgeflîmê de bikin ku wê saet 4’ê piştî nîvro li Meclisa Şengalê bê pêşandan û em bang li gelê xwe dikin di wê rojê de amade bibin.”
Wê belgefilma Şehîd Nûjiyan roja 28’ê Gulanê di saet 16:00’an de li Meclîsa Gel a Xanesorê bê nîşandan.
Wê 29’ê Gulanê jî di saet 16:00’an de li Meclîsa Gel a Şengalê belgefilm were nîşandan.
(kş)
