Welatiyên navçeya Seyîdsadiq a Silêmaniyê li dijî êrişên dewleta Tirk a bi armanca dagirkirina xaka Başûrê Kurdistanê, meşek lidarxistin.
Di saetên êvarê dê li nava bazara navçeya Seyîdsadiq li dijî êrişên dewleta Tirk a ku armanca wê dagirkirina xaka Başûrê Kurdistanê ye, meşek hat lidarxistin.
Di meşa ku Ciwanên Welatparêz û welatiyên navçeyê beşdarbûn de, posterên Rêberê Gelê Kurd Abdullah Ocalan, ala Herêma Kurdistanê hatin hildan û pankartên ku êrişên dewleta Tirk şermezar dikin, hatin bilind kirin.
Yek ji beşdarvanên meşê Pêşrew Yarweys diyarkir ew ji bo şermezarkirina êrişên dewleta Tirk a li ser xaka Başûrê Kurdistanê di meşin û got; “Artêşa Tirk li Heftenîn û Gare binkeft, dixwaze vê carê tola binkeftina xwe hilîne, lê wê bi sernekeve. Her bêdengiyek li beramberî van êrişan tê wateya razîbûna bi dagirkeriyê. Xaka me tê dagirkirin, bêdengiya hizbên Başûr ya li beramberî vê dagirkeriyê cihê pirsê ye.”
Her wiha di meşê de daxuyaniyek ji aliyê Herdî Hadî ve hat dayîn û hat gotin, siyaseta ku hizbên Başûr di meşînin, li dijî Kurd e. Şoreşa li Başûrê Kurdistanê hat kirin, ne ji bo van rojên tehl bû.
(kş)
