Wezareta Tendirustî ya Herêma Kurdistanê ragihand heta niha jî ti biryarek dawî di derbarê dema destpêkirina xwendinê de nehatiye dayîn. Wezaretê diyarkir wê heta sê yan çar hefteyên din rapora dawî ya têkildarî rewşa tendirustiyê were pêşkêşkirin.
Berdevkê Wezareta Tendirustî ya Herêma Kurdistanê Aso Hewêzî, ji ajansa nûçeyan a Iraqê re ragihand, heta niha ti lihevkirinek dawî li gel wezareta perwerdê ya Herêmê nehatiye kirin daku dema destpêkirina sala nû ya xwendinê were diyarkirin. Aso Hewêzî da zanîn Meclîsa Bilind a Rûbirûbûna Korona wê biryar li ser vê mijarê bide ku çend wezaret û parêzgar jî di nava vê meclîsê de cihê xwe digrin.
Her wiha diyarkir piştî civîna meclîsa bilind a rûbirûbûna virûsê wê biryara dawî li ser mijarê were dayîn.
(kş)
