Bi fermî lihevkirina Tevgera Goran û Yekitiya Nîştimanî Kurdistan (YNK) ya ji bo hilbijartina parlementoya Iraqê hat îmzekirin.
Îro bi merasîmek Hevserokên YNK’ê û Rêkxerê Tevgera Goran lihevkirina navbera her du aliyan a ji bo hilbijartina Iraqê îmze kirin.
Di merasîmê de Rêkxerê Tevgera Goran Omer Seyîd Elî axivî û got, “Piştî çend civînên di gel YNK’ê de me li hevkir û ev lihevkirin jî ji bo pêkanîna hevpeymaniya hilbijartinên dema pêş a Iraqê ye.”
Hevserokê YNK’ê Bafil Talebanî jî got ku wan soz daye rêkxerê Tevgera Goran ku ev lihevkirin ne li dijî ti aliyeke, ji bo yekrêziya Kurdistanê ye.
Talebanî got; “Dixwazim li vir sozek din bidim ku em carek din Tevgera Goran di cih de nahêlin. Naxwazim ev lihevkirin tenê ji bo vê hilbijartina dema pêş be, dixwazim hertim bi hevre bîn.”
Di merasîmê de Hevserokê YNK’ê Lahor Şêx Cengî jî got: “Erkê serokatiya Hevpeymaniya Kurdistanê dane min, ez ê bi dilsozî bêy cûdahî hewil bidim Hevpeymaniya navbera YNK û Tevgera Goran bi serxim. Ger em ne yekrêz bin nikarin armancên xwe bidestxîn. Ji bo wê erkê me hemûyane em vê hevpeymaniyê wek çavê xwe bi parêzîn.”
YNK û Tevgera Goran di çarçoveya Hevpeymaniya Kurdistanê de wê tevli hilbijartina parlementoya Iraqê bibin ku tê payîn 10’ê Cotmeha îsal pêkwere. Lihevkirina navbera YNK û Tevgera Goran roja 30’yê Nîsana îsal li komisyona bilind a hilbijartinên Iraqê hatibû tomarkirin. Îro jî ev lihevkirin bi fermî hat îmzekirin.
(kş)
