About

Em kî ne?

Ev rastiyek e ku her roj amûrên ragihandinê zêde dibin û pêş dikevin. Bêguman bi qasî avantajên wê, dezavantajên wê jî hene. Beriya her tiştî mirov weke duh îro jî pêdivî bi agahiyên rast dibîne. Bi awayekî mafdar mirov dixwaze li cîhana têde dijî tiştên ku rû didin weke ya heyî fêr bibe û şîrove bike.

Vaye RojNews; bi armanca ku vê pêdiviya sereke ya mirovan bicîh bîne, hatiye avakirin. Bêyî ku cudatiya ol, ziman, reng û zayendê bike; bi xeteke weşanê ya li ser esasê rêgezên wekhevî û demokrasiyê Ajansa me di sala 2014’an de bi dirûşmeya “Ronîkirina rastiyan erka me ye” dest bi weşanê kir.

Di vê çarçoveyê de RojNews sekna li hemberî her cure dezenformasyon û manîpulusyonan wekî erkek exlaqî dibîne û bi vê ferasetê bûyer û diyardeyan bi raya giştî re parve dike.