Rêxistina Ciwanên Welatparêz wê ji bo bîranîna şehîdên kîmyebarana Helebce çalakiyek a mûm pêxistinê li ser Goristana Şehîdan a Helebce lidarxin. (20:00)
Wê di saet 10:00’an de yekem Galeriya Helebce were vekirin, têde wêneyên gelek kesayetên bajêr û sucên kimyebarana Helebce werin nîşandan.
Di saet 11:00 ‘an de Ehmed Natqî ku wêneyê Omerê Xawer kişandibû, wê li Zanîngeha Helebceyê semînerek bide.
Bi boneya 34’emîn salvegera kimyebarana Helebce wê di saet 15:00’an de li Parka Azadî ya Silêmaniyê çalakiyek were li darxistin.
Rayedarên hikûmeta Herêma Kurdistanê îdia dikirin wê giranî li bazarên Herêmê çênebe, lê niha li nava bazarên Herêma Kurdistanê nirxê piraniya kelûpelan giran bûye. Hikûmeta ku bi xwe bûye sedema giranbûnê, niha dixwaze bi rêya zextên li ser dikandaran, kontrolê li ser bazarê bike. Welatî jî ji van zextên hikûmetê nerazîne. Piraniya qesabên bajaroka Çomanê ji ber giraniyê derê dikanên xwe girtine.
Şaredariya Binarê Qendîlê nêzî 13 salin xizmetê ji gundên Binarê Qendîlê re dike. Wek hevseroka şaredariyê dibêje, wan bi derfetên kêm xizmetek mezin ji welatiyên deverê re kirine. Hevseroka şaredariyê diyar dike ger ne ji ber bombebaranên dewleta Tirk bûya wan dê hîn zêdetir xizmetê bikira.
Li Şengalê nîqaş û hewldanên ji bo avakirina pergala aboriya civakî geş dibe. Şengaliyan diyar kirin ku sîstema mûçeyan parçeyek ji polîtîkayên şerê taybet e ku aboriya civaka Êzidî dikuje û gotin: “Em nikarin xwe bi mûçeyê desthilatdaran ve girêbidin, mûçe îro heye sibe nîne. Lê ax, tov û tava me heye.”
Komîteya Amadekar a Newroza Binarê Qendîlê bang li welatiyên Başûr û her çar parçên Kurdistanê kir bi tevlibûna pîrozbahiya Newroza Qendîlê bibin bersivek ji bo dagirkeran.
Li Şengalê, kampanyaya îmzeyan ku bi ser hedefa xwe ketiye berdewam dike. Şêniyên Til Qesebê diyar kirin ku PKK ji bo li hemberî terorîstan bisekine bi hawara Şengalê ve hatiye û gotin: “Bîrekê ku te av jê vexwar, tu carî keviran li wê bîrê venede.”
