-Li Şengalê çalakiya ji bo piştgiriya Asayîşa Êzidxanê berdewame.
-Li Wargeha Penabaran a Şehîd Rûstem Cûdî (Mexmûr) greva birçîbûnê ya li dijî tecrîda li ser Rêberê Gelê Kurd Abdullah Ocalan didome.
-Tevî ku li ser wefata Hunermend Mihemed Mamlê re 21 sal derbas bûn, lê hîn dengê wî li nava gel de zindî ye. Hermend Karwanî Ney diyar kir ku piştî Hesen Zîrek ti strangêjek bi qasî Mamlê di warê awaz û muzîkê de bi ser neketiye.
-Silêman Helşoyî keseke ku bi rojane li ser çapemeniya Başûr bûye rojev. Bi sedan kes dibêjin wan pere û mal bi faîz dane Silêman Helşoyî. Helşoyî jî di çend rojên borî de diyarkiribû ku wî îflas kiriye. Her çiqas Helşoyî hatiye binçavkirin jî, lê xwediyên deynan dibêjin ger pirsgirêka wan neyê çareserkirin wê pirsgirêkên civakî rû bidin. Parêzerek jî diyarkir li gorî yasayê wê Helşoyî were berdan.
-Parlementerê Tevgera Goran li Parlamentoya Herêmê Elî Heme Salih diyarkir para Herêmê ya ku di budceya sala 2021’an a Iraqê de hatiye diyarkirin, bêy ku muçe were birîn jî bi zêdahî têra muçeyê karmendên Herêma Kurdistanê dike.
