Parlementerê Iraqê Arif Hemamî diyarkir ji beriya ev meh bi dawî were wê parlementoya Iraqê bicive.
Parlementerê Iraqê Arif Hemamî derbarê civîna parlementoya Iraqê de ji Rojnews re got, hemû aliyên siyasî, ji bilî Tevgera Sedir lihevkirine ku parlemento carek din were aktifkirin û dest bi karê xwe bike.
Hemamî da zanîn lihevkirinek baş di navbera aliyan de pêkhatiye dakû parlemento di rojên pêş de bi armanca pêkanîna hikûmeta nû bicive.
Her wiha Arif Hemamî diyarkir ku divê pirsgirêkên heyî bi zimanê diyalogê werin çareserkirin û got, “Qonaxa bê wê gelek giran be, ji bona wê pêwîste jihevtêgihiştin û lihevkirin hebe ji bo pêkanîna hikûmetê.”
(kş)
