Dadgeha Lêkolînê ya Kerix ji ber heqaretkirina li Dadgeha Bilind a Federal li ser giliyê Nûnerê Yasayî yê Dadgeha Federal bang li Endamê Polîtburoya PDK’ê Hoşyar Zêbarî kir.
Dadgeha Lêkolînê ya Kerix di 16’ê Gulanê de biryara bangkirina Endamê Polîtburoya PDK’ê Huşyar Zêbarî kir ku Nûnerê Yasayî yê Dadgeha Federal ji ber heqareta li Dadgeha Bilind a Federal giliyê wî kirîbû.
Piştî ku Huşyar Zêbarî ji namzetiya Serokkomariya Iraqê hate dûrxistin, çend caran Dadgeha Federal a Iraqê rexne kir û îdiakirîbû ku Dadgeha Federal a Iraqê bêalî nîne.
Di sala 2016’an de Parlamentoya Iraqê Hoşyar Zêbarî ku wê demê Wezîrê Darayî yê Iraqê bû, ji sûcdariya gendeliya li malê giştî ji kar dûr xist. Ev bû sedem ku ji namzetiya serokkomariya Iraqê jî were dûrxistin.
(ab)
