Parêzerên Rêberê Gelê Kurd Abdullah Ocalan ji bo karibin muwekîlê xwe bibînin serî li Serdozgeriya Komarê ya Bûrsayê û Midûriyeta Girtîgeha Îmraliyê dan.
Parêzer Raziye Ozturk, Rezan Sarica, Faîk Ozgur Erol û Emran Emekçî serî li Serdozgeriya Komarê ya Bûrsayê û Midûriyeta Girtîgeha Îmraliyê dan û xwestin bi muwekîlê xwe Abdullah Ocalan re hevdîtinê bikin.
Rêberê Gelê Kurd Abdullah Ocalan ji sala 1999’an û vir ve ku komployeke navneteweyî dîl hate girtin, li Girtîgeha bi Ewlekariya Bilind a Îmraliyê di nava tecrîdeke giran de tê hiştin.
Herî dawî 25’ê Adara 2021’ê birayê Abdullah Ocalan pê re bi telefonê axivî bû. Lê belê ev axaftin jî nîvco mabû.
