Ji bo gera dawîn a hilbijartinên parlamentoyê Lubnaniyan vê sibê berê xwe da sindoqên dengdanê. Ev qonax ji bo diyarkirina pêşeroja welat, wek qonaxeke çarenûsî tê hesibandin.
Li navendên dengdanê yên li parêzgehên Lubnanê hilbijartinan saet di 07:00`an destpê kir. Hêzên ewlekariyê tedbîrên ewlehiyê xurt kirine.
Ji bo parastina ewlehiyê di dema rêveçûna hilbijartinan de, 75 hezar efser, leşkerên artêşê û hêzên ewlekariyê li 15 daîreyên dengdanê bi erka parastinê radibin.
Fermandariya artêşa Lubnanê bi daxuyaniyekê bang li welatiyan kir ku bi hêzên ewlekariyê re hevkar bin û li gorî perspektîfan tev bigerin.
Hezar û 43 namzet li 15 daîreyên dengdanê, di nava 103 lîsteyan de li ser 128 kursiyên parlamantoyê ketine pêşbirkê. Hilbijartin di bin çavdêriya şandeya Yekitiya Ewropayê (YE) û şandeya Komkara Erebî de pêk tên. 75 hezar leşker ji bo parastina rêveçûna hilbijartinan hatine erkdarkirin. Wezîrê karên hundir Besam El-Mewlewî jî eşkere kir ku hêzên wan li hezar û 775 navendên dengdanê belav dibin.
