Berdevkê Fermandariya Hêzên leşkerî yên Iraqê diyarkir, ji bo tolhildana 11 leşkerên ku ji aliyê çeteyên DAIŞ’ê ve hatibûn kuştin, artêşa Iraqê navendek çeteyên DAIŞ’ê li parêzgeha Selahedîn bombebaran kir û çar çeteyên DAIŞ’ê hatin kuştin.
Berdevkê Fermandariya Hêzên leşkerî yên Iraqê Yehya Resul li ser Twitterê peyamek belavkir û ragihand ji bo tolhildana 11 leşkerên Iraqê, hêzên asîmanî bi balefirên F 16 çar baregehên DAIŞ’ê yên li Çiyayê Mekhul a li parêzgeha Selahedînê bombebaran kirin.
Yehya Resûl diyarkir di encama bombebaranê de 4 çeteyên DAIŞ’ê hatin kuştin û da zanîn wê operasyonên wan ên li dijî çeteyên DAIŞ’ê berdewam bikin.
Hêjayî bibîrxistinê ye roja 21’ê Çile komek çeteyên DAIŞ’ê êrişê baregehên leşkerên Iraqê yên di navbera gundên El Tala û Um El Keramî yên ser bi navçeya El Ezim ya ser bi parêzgeha Diyalayê kiribûn. Di encama êrişê de leşkerên payebilind jî di nav de 11 leşkerên Iraqê jiyana xwe ji dest dabûn.
(kş)
