Berdevkê artêşa Lîbyayê Mismarî destnîşankir ku ger dewleta Tirk êrişî bajarê Sirteyê bike, wê dewletên Ereb bersiveke tund bidin. Mismarî got ku divê Tirkiye ji bersivê re jî hişyar be.
Duh lîwaya “Deman Tacûra” a ku bi hikumeta Wîfaqê re hevkar e û Enqere piştevaniya wê dike, hêzeke nû şand eniyên Sirteyê, artêşa Lîbyayê Tirkiye û hêza Wîfaqê ji nêzbûna ji bajarê Sirteyê re hişyar kir. Di nav hêza ku nû şandine eniyên Sirteyê de çeteyên Suriyeyê jî hene.
Berdevkê artêşa Lîbyayê Ehmed Mismarî li ser vê yekê gef li Tirkiyeyê xwar. Mismarî daxuyakirin ku ger Tirkiye êrişî bajarên Sirte û Cefrayê bike, wê xewnên wê bi dawî bibin.
(nr)
