Rêveberiya Avhewayê ya Iraqê, bi daxuyaniyekê ragihand tê pêşbînîkirin sibe (16 Gulan) gelek bajarên Iraqê di nava tozbarînek zêde de bimînin.
Rêveberiya Avhewayê ya Iraqê, bi daxuyaniyekê ragihand, ew pêşbînî dikin sibe wê li parêzgehên Ninowa, Selahedîn, Enbar, Bexda, Kerbela, Necef û Musena tozbarînek zêde çêbe.
Di daxuyaniyê de hat gotin, wê tozbarîn li parêzgehên Hewlêr, Kerkûk, Babil, Dîwaniye, Zîqar û Besrayê di asta navendî de be. Her wiha wê li Silêmanî, Dihok, Diyale, Wast û Mîsan jî tozbarînek kêmtir hebe.
(kş)
