Pisporê yasaya Iraqê Mihemed Seîd ragihand ku Parlamentoya Iraqê dikare lêpirsînê li gel Serokwezîrê Herêma Kurdistanê û Wezîrê Sermiyana Xwezayî bike ku bêyî pejirandin û agahiya Bexda danûstandinê bi neft û çavkaniyên xwezayî dike.
Pisporê yasaya Iraqê Mihemed Seîd ji Kanala Bexda re ragihand ku mafê parlamentoyê heye ku li gorî madeya 61 a destûra Iraqê û madeya 32 ya rêziknameya naxweyî ya parlamentoyê lêpirsînê li gel her yek berpirsên sînorê dewleta Iraqê li gel wezîrên Kurd bike.
Mihemed Seîd eşkere kir ku herêm û ti aliyek din nikare ser peymana yek alî ya derbarê neftê de tevgere bike û got ku di madeyên 111 û 112’yan de hatiye gotin ku tenê hikûmeta federal dikare kontrola neft û hemû çavkaniyên hilberînê bike.
Mihemed Seîd têkildarî lihevkirinên hikûmeta Herêma Kurdistanê yên li gel welatan jî got;”Divê hikumeta Iraqê riyên diplomasî ji bo vê mijarê bi kar bîne û ji her dewletê re ragihîne ku lihevkirina yek alî ya li gel herêmê kirine neraste û berevajiya destûrê ye.”
Roja Duşema borî nêzî 100 parlamenterên Iraqê îmze pêşkêşî Serokê Parlamentoya Iraqê kirin ku têkildarî dahata neftê û lihevkirina 50 salî ya li gel Tirkiyeyê, bang li Serokwezîrê Herêma Kurdistanê û Wezîrê Sermiyana Xwezayî yê Herêma Kurdistanê bike û têde Wezirê Nefta Iraqê û Rêveberiya Kompanya SOMO amade be.
(ab)
