Berdevkê Wezareta Karên Derve ya Iraqê diyarkir wê gelek koçberên din ên Iraqê ji Belarusyayê vegerînin Iraqê. Her wiha da zanîn wê îro 431 koçber vegerin Iraqê.
Piştî ku Polonyayê sinorê xwe li ber derbasbûna koçberan a bo welatên Ewropayê girt, gelek koçber bê hêvî man û vedigerin Iraq û Herêma Kurdistanê.
Berdevkê Wezareta Derve ya Iraqê Ehmed Sehaf derbarê vegera koçberan de daxuyaniyek da ajansa nûçeyan a Iraqê. Sehaf diyarkir wezareta Derve balyozxaneyên Iraqê yên li Moskowa û Warşowayê erkdarkiriye ku tîmên xwe bişîne cem koçberan bi wan re bibin alîkar.
Li gorî amarên Ehmed Sehaf dane, heta niha bi sê seferan koçber vegeriyane Iraqê, wê vê êvarê jî 431 koçber vegerin û sibe jî 430 koçber vegerin. Bi giştî hejmara koçberên di vegerin wê hezar 894 kes bin.
(kş)
