Berdevkê Wezareta Karên Hundir a Iraqê Xalid El Mehne destnîşan kir ku di êrîşên xwekujiyê yên li Bexda de 13 kesan jiyana xwe ji dest daye, 28 kes jî birîndar bûne. Berdevkê Artêşa Iraqê Yehya Resul jî diyar kir ku herdu êrîşkaran dema ku hêzên ewlehiyê ew dişopandin û dixwestin wan bigirin, xwe teqandine.
Li paytexa Iraq Bexdayê îro saet 11.30’an de li qada bi navê “Qada Balafirgehê” êrîşên xwekujiyê pêk hatin. Hat gotin ku 2 êrîşkaran di nava bazarê de bombeyên li ser xwe teqandine.
Berdevkê Artêşa Iraqê Yehya Resul jî diyar kir ku herdu êrîşkaran dema ku hêzên ewlehiyê ew dişopandin û dixwestin wana bigirin, bombeyên li ser xwe teqandine.
Berdevkê Wezareta Karên Hundir a Iraqê Xalid El Mehne jî destnîşan kir ku di êrîşên xwekujiyê de 13 kesan jiyana xwe ji dest daye, 28 kes jî birîndar bûne.
Kesên birîndar rakirin nexweşxaneyên Bexdayê.
Wezareta Tenduristiyê ya Iraqê jî, ji bo birîndaran banga lezgîn a xwînê kir.
(ab)
