Dibistanên Wargeha Şehîd Rustem Cûdî (Mexmûr) ku bi giştî 3 hezar û 500 xwendekar lê dixwînin ketin betlaneyê û xwendekaran karnameyên xwe girtin.
Li Wargeha Penabaran a Şehîd Rustem Cûdî (Mexmûr) xwendekarên dibistanên seretayî, navîn û amadeyî bi kelecan karneyên xwe girtin û ketin betlaneya dawiya salê.
Li Wargeha Penaberan a Şehîd Rustem Cûdî (Mexmûr) 4 dibistanên Seretayî, 2 dibistanên navîn û dibistana amedeyî ku nêzî 3 hezar û 500 xwendekar bi zimanê dayîkê lê dixwînin, ketin beltaneya havînê û xwendekaran karneyên xwe girtin.
Li Dibistana Şehîd Dr. Nûrî Dersimî merasîmê bi deqeyek rêzgirtina ji bo Şehîdên Tevgera Azadiya Kurdistanê bi sîruda netewî destpê kir. Piştî rêzgirtinê Mamosta Fadil Bayar axiftinek kir û got: “Em îro tên dawiya sala perwerdeya xwe ya 2021-2022’yan, bi vê boneyê em sala xwe ya 2022’yan destpêkê li Rêbertî, şervanên azadiyê, malbat û mamosteyên hêja û we tevan pîroz dikim. Ji destpêka salê heta niha gelek ji we xebitîn û encamek baş girtin, lê gelek ji we jî hêvîyên ku me we dikir wek tê xwestin bi dest nexistin. Hûn pêşeroja gelê xwe ne, hûn di nava şert û mercên herî zehmet de li Wargeha Şehîd Rustem Cûdî bi zimanê dayîkê perwerdeyekî herî binirx dibînin. Em jî wek mamoste şanazin ku li wargehê ji bo we bibin bersiv û kedek ji bo we bidin.”
Li ser navê Meclîsa Demokratîk a Wargehê jî Kendal Teyî axivî û destpêkê cejna Zimanê Kurd pîroz kir û wiha domand: “Em hemû şehîdên şoreşê û yên ku îro li Werxelê di çeperan de li berxwe didin û şehîd dikevin, di kesayeta wan de hemû şehîdan bi bîr tînin û bejna xwe li ber wan de ditewînin. Em bi navê Meclîsa Gel dubare destxweşiya hemû mamosteyan û xwendevanên ku bibin pêşeroja gelê Kurdistanê dikin. Serok Apo dibêje: “Zarokên Mexmûrê zarokên minin, bi rastî jî yê ku bibin pêşeroja gelê Kurd û zimanê Kurdî pêşbêxin hûnin.”
Piştî axaftinan, xelatên xwendevanên ku bûyîn yekemîn hatin dayîn.
(xt)
