Serokatiya Hikûmeta Herêma Kurdistanê, êrîşên Îranê yên li ser ser baregehên partiyên Rojhilatê Kurdistanê şermezar kir û diyar kir ku divê dawî li êrişan were.
Rejîma Îranê ev çend rojin xaka Herêma Kurdistanê bombebaran dike û îro êrişên xwe yên li ser partiyên Rojhilatê Kurdistanê berfireh kir. Li navçeya Koye, Zirgiwezê û Pirdê baregehên partiyên Rojhilat bi dijwarî hatin bombebaran kirin. Di êrişan 7 kesan jiyana xwe ji dest dane û 24 kes jî birîndar bûne.
Serokatiya Hikûmeta Herêma Kurdistanê derbarê êrişên Îranê de daxuyanî da.
Serokatiya Hikûmeta Herêma Kurdistanê, êrîşên Îranê yên li ser ser baregehên partiyên Rojhilatê Kurdistanê şermezar kir û diyar kir ku divê dawî li êrişan were û wiha tê gotin “Em derbaskirin û binpêkirina çend care ya serweriya axa Herêma Kurdistanê ya bi mûşekbarankirinê b tundî şermezar dikin. Ji aliyê Komara Îslamî ya Îranê ve bombebarankirina navendên opozisyonê bi mûşekan, bi her hincetekê be, helwestekî neraste. Ji bo ji rê derxistina arasteya bûyeran e û cihê matmayînê ye. Êrişên bi vî awayî ku berdewam li ser axa me tên kirin û di encamê de xelkê sivîl jî dibin qurbanî, em şermezar dikin û pêwîst e dawî li wan destdirêjiyan bê anîn.”
Artêşa Îranê ragihandibû ku ji beriya êrişê Hikûmeta Herêma Kurdistanê hatiye agahdarkirin û destnîşan kir ku wê êrişek din jî li ser Hizbên Rojhilatê Kurdistanê yên di nava xaka Herêma Kurdistanê pêk bîne.
(ab)
