Di nava du rojan welatiyek ji Rojhilatê Kurdistanê, geştiyarek Ereb û polîsek li bajarên Hewlêr û Silêmaniyê ji ber sermayê mirin.
Di meha Çileyê de rêjeya sir û seqemê li herêmê zêde bûye. Hi ber kêmbûn û bûhabûna sotemenî û ceyranê ya li Herêma Kurdistanê zivistana îsal dijwar derbas dibe.
Li gorî agahiyên ku bidestketine di nava du rojan de 3 kes ji ber sermayê li Hewlêr û Silêmaniyê mirin e.
Şevê din li taxa Rizgarî ya Silêmaniyê welatiyekî ji Rojhilatê Kurdistanê yê bi navê Elî Miradî (45) salî ji ber di maleke înşaatê de dima, ji sermayê mir. Hate gotin, berê niha Miradî ji ber sedemên siyasî di girtîgehên îranê de mabû û çalakvanbûye.
Li gorî hinek malperan geştiyarekî Ereb jî li nêzî bajaroka Derbendîxan a ser bi Silêmaniyê ji ber sermaya zêde miriye.
Her wiha hate gotin, li Hewlêrê jî polîsek li navenda xwe ya kar ji sermayê miriye.
(bz)
