Welatiyekî ji Rojhilatê Kurdistanê li bajarê Silêmaniyê ya Başûrê Kurdistanê ji ber di maleke ne temamkirî de dima, ji serma jiyana xwe ji dest da.
Li gorî hinek malperên Başûrê Kurdistanê welatiyek li taxa Rizgarî ya bajarê Silêmaniyê ji ber sermayê jiyan xwe ji dest daye.
Hate zanîn ku welatiyê jiyana xwe ji dest daye xelkê Rojhilatê Kurdistanê ye û navê wî Elî Mûrad ê temen 45 saliye.
Li gorî agahiyên ku Berpirsê Beşa Lezgîn a Tendûristiya Silêmaniyê daye ragihandinê welatiyê ji Rojhilatê Kurdistanê yê ji serma jiyana xwe ji dest daye, di maleke ne temamkirî ango hîn di dema înşaatê de bûye.
Ne hate zanîn sedema mayîna ew welatiyê ji Rojhilatê Kurdistanê li wê mala hîn di înşaatê de ye hejariye an sedemeke dine!
Hêjayê bibîrxistinêye li Başûrê Kurdistanê hem pirsgirêka neftê û hem jî pirsgirêka gazê heye û ji bo girtina wê rojane xelk dikevin dorê û her diçe bûha jî dibe.
(bz)
