ناوەندی هەواڵەکان
بڕیارە سبەینێ سەرۆکی دەوڵەتى داگیرکەری تورک سەردانى عێراق و دواتر هەولێر بکات و پەدەکەش شەقامەکانی هەولێر بۆ هاتنی دەڕازێنێتەوە.
سبەی دوو شەممە سەرۆکی دەوڵەتى داگیرکەری تورک دوای ١٢ ساڵ دێتە عێراق و هەرێمی کوردستان، هێشتا نەهاتووە پەدەکە کەوتووەتە ڕازاندنەوەى شەقامەکانى هەولێر.
پەدەکە کە هاوکار و پشتیوانێکی سەرەکی هێرشە داگیرکارییەکان دەوڵەتى تورکە ئەمڕۆ شەقام و ڕێگا سەرەکییەکانى شاری هەولێری بۆ پێشوازیکردن لە ئەردۆغانی قڕکەری کوردان ڕازاندووەتەوە.
پەدەکە لەسەر تاوەرو پرد و باڵەخانەکان و شەقام و ڕێگا سەرەکییەکانى بە ئاڵای دەوڵەتى تورک و عێراق ڕازاندوەتەوە.
ڕازاندنەوەى شەقام و ڕێگا سەرەکییەکانى هەولێر بۆ سەرۆکى دەوڵەتى داگیرکەری تورک، لەکاتێکدایە کە ڕۆژانە دەوڵەتى تورک ناوچە جیاوازەکانى هەرێم بۆردوومان دەکات وهاوڵاتییان دەکاتە ئامانج، لەجیاتى ناڕەزایەتى دەربڕین دژی شەهیدکردنى هاوڵاتییانى مەدەنی و داگیرکردنی خاکی کوردستان و تاڵانکردنى دارستانەکانى هەرێم بەجۆش و خرۆشەوە شەقامەکانی هەولێر بۆ ئەردۆغانی فاشیست دەڕازێنێتەوە.
لەلایەکى دیکەوە لەناوخۆی عێراق و هەرێم ناڕەزایەتییەکى زۆر لەسەر هاتنى سەردانەکەی ئەردۆغان بۆ عێراق و هەرێم دروست بووە و بڕیاریشە سبەینی لە شاری سلێمانى بەو بۆنەیەوە خۆپیشاندان بکرێت.
هـ.ح
Comments are closed.