لە ڕحا دوو ئەندامی دەم پارتی دەستگیر کران

ناوەندی هەواڵەکان

لە ئۆپەراسیۆنی قڕکردنی سیاسییدا، پۆلیسی دەوڵەتی تورک لە ڕحا، هەڵیکوتایە سەر ماڵان و دوو ئەندامی دەم پارتی دەستگیر کرد.

بەرەبەیانی ئەمڕۆ، لە ڕحای باکووری کوردستان، پۆلیسی دەوڵەتی داگیرکەری تورک، هەڵیکوتایە سەر ماڵان و لە ئەنجامدا دوو ئەندامی پارتی یەکسانی و دیموکراسی گەلان-دەم پارتی، دەستگیر کرد.

لە هەڵکوتانەکەدا هەریەک لە موحسین ئایدۆغلو، ئەندامی ئەنجوومەنی دەم پارتی و عومەر کستاک، ئەندامی ئەنجوومەنی گەنجان، لەلایەن پۆلیسەوە دەستگیر کران.

پۆلیسی دەوڵەتی تورک بە تۆمەتی “نهێنی” هیچ زانیارییەکی نەداوە بە خانەوادەی ئایدۆغلو، هەروەها زانراوە کە پۆلیس دەستی بەسەر مۆبایلەکانی دایک و باوکی ئایدۆغلو گرتووە.

بەپێی زانیارییەکان کستاک و ئایدۆغلو، گواستراونەتەوە بۆ بەڕێوەبەرایەتیی پۆلیسی ڕحا.

ئەمە لە کاتێکدایە، پۆلیسی دەوڵەتی داگیرکەری تورک، دوێنێ لە ناوچەی قۆسەری مێردین، لە ئەنجامی هەڵکوتانە سەر ماڵان ٣٠ کەس دەستبەسەر کران.

ب. جـ