سەرباری ئەوەی بە هۆی بومەلەرزەكەی ٦ی شوباتەوە، هێزەكانی گەریلا چالاكییە سەربازییەكانیان ڕاگرتووە، بەڵام هەپەگە ڕایگەیاند، سوپای تورك بەردەوامە لە هێرشەكانی و دوێنێ ١٠٤ جار سەنگەرەكانی بەرخودانی گەریلای لە هەرێمەكانی پاراستنی مەدیا بۆردومان كردووە.
ئەمڕۆ هێزەكانی پاراستنی گەل-هەپەگە لە ڕاگەیەندراوێكدا ئاماری هێرشەكانی دوێنێی دەوڵەتی داگیركەری تورك، بۆ سەر ناوچەكانی بەرخۆدان بڵاوكردەوە.
هەپەگە ڕایگەیاند، سوپای تورك بەردەوامە لە هێرشەكانی و دوێنێ ١٠٤ جار سەنگەرەكانی بەرخودانی گەریلای لە هەرێمەكانی پاراستنی مەدیا بۆردومان كردووە.
لە ڕاگەیەندراوەكەدا هەپەگە زانیارییەكانی وردی لەسەر هێرشەكانی سوپای داگیركەری توركی بەم جۆرە بڵاوكردووەتەوە:
٢١ی ئادار، گۆڕەپانی بەرخودانی گردی جودی یەك جار بە فڕۆكەی شەڕ بۆردومان كرا.
٢١ی ئادار، گۆڕەپانی بەرخودانی گردی جودی و شاخی ئێف ئێم، لە گۆڕەپانەكانی دۆڵی لۆلان، گردی شەهید كامەران و گردی شەهید حەقی خواكورك و لە گۆڕەپانی چەمچۆ و سیدا سەنگەرەكانی بەرخودانمان، ١٠٣ جار بە كاتیوشا، تانك، هاوەن و چەكی قورس بۆردومان كران.
ڕ.ڕ
Comments are closed.