ئوردن: ڕیگە نادەین خاکەکەمان ببێتە گۆڕەپانی جەنگی نێوان ئێران و ئیسرائیل

ناوەندی هەواڵەکان

وەزارەتی دەرەوەی ئوردن ڕایگەیاند، وەزیری دەرەوەی ئوردن لە پەیوەندییەکی تەلەفونیدا هاوتا ئێرانییەکەی ئاگادار کردووەتەوە، کە ڕێگە نادەن خاکەکەیان بکرێتە گۆڕەپانی ململانێی نێوان ئێران و ئیسرائیل، دەشڵێت: ئاسایشی وڵاتەکەمان و سەلامەتی هاوڵاتییانمان ناخەینە مەترسییەوە.

وەزارەتی دەرەوەی ئوردن لە تۆڕی کۆمەڵایەتی ئێکس لەبارەی پەیوەندی تەلەفۆنی نێوان ئەیمەن سەفادی وەزیری دەرەوەی ئوردن و حسێن ئەمیر عەبدوڵڵاهیان وەزیری دەرەوەی ئێرانەوە بەم شێوەیە زانیاری خستە ڕوو.

وەزیری دەرەوەی ئوردن لە پەیوەندییەکی تەلەفونیدا هاوتا ئێرانییەکەی ئاگادار کردووەتەوە، کە ڕێگە نادەین خاکەکەمان بکرێتە گۆڕەپانی ململانێی نێوان ئێران و ئیسرائیل.

ئاماژەی بەوەش کردووە، ئاسایشی وڵاتەکەمان و سەلامەتی هاوڵاتییانمان ناخەینە مەترسییەوە.

جێگای ئاماژەیە ئوردن یەکێکە لەو وڵاتانەی بەهۆی نزیکی و هاوکاری کردنی ئیسرائیلەوە هەڕەشەی هێرشی ئێرانی لەسەرە، ئێران لەماوەى ڕابردوودا خاکی عێراق و سووریا و لوبنانی بەکارهێناوە بۆ هێرشکردنە سەر ئیسرائیل.

ڕ.ش