ڕووسیا و ئۆکراین لە قەتەر کۆدەبنەوە

ناوەندی هەواڵەکان

وەزارەتی دەرەوەی قەتەر بڵاوی کردەوە، ئەمڕۆ بە نێوەندگیری وڵاتەکەمان لە شارى دەوحە کۆمسیۆنی مافەکانی منداڵانی ڕووسیا و ڕاوێژکاری پەرلەمانی ئۆکراین بۆ مافەکانی مرۆڤ کۆدەبنەوە، دەشڵێن، ناوەڕۆکی کۆبوونەوەکە لە بارەی چارەنووسی ئەو خێزانە ڕووسی و ئۆکراینیانەیە، کە ڕوویان لە دەوحە کردووە بە مەبەستی وەرگرتنی چارەسەری پزیشکی.

وەزارەتی دەرەوەی قەتەر لە بارەی کۆبوونەوەی ئەمڕۆی شاندی نێوان ڕووسیا و ئۆکراین لە دەوحە ڕاگەیاندراوێکی بڵاوکردەوە.

لە ڕاگەیاندراوەکەی وەزارەتی دەرەوەی قەتەردا هاتووە، ئەمڕۆ بە نێوەندگیری وڵاتەکەمان لە شارى دەوحە کۆبوونەوەى نێوان شاندێکى کۆمسیۆنی مافەکانی منداڵانی ڕووسیا بە سەرۆکایەتی ماریا لڤۆڤا بیلۆڤا و دیمیترۆ ئۆبینتیس ڕاوێژکاری پەرلەمانی ئۆکراین بۆ مافەکانی مرۆڤ بەڕێوەدەچێت.

ئاماژەی بەوەشکرد، ناوەڕۆکی کۆبوونەوەکە لە بارەی چارەنووسی ئەو خێزانە ڕووسی و ئۆکراینیانەیە، کە ڕوویان لە دەوحە کردووە بە مەبەستی وەرگرتنی چارەسەری پزیشکی.

جێگای ئاماژەیە، لە پێشتردا وەزارەتی دەرەوەی قەتەر ڕایگەیاندبوو، کە ٢٠ خێزانی ڕووسی و ئۆکراینی گەیشتوونەتە دەوحە بە مەبەستی وەرگرتنی چارەسەری جەستەیی و دەروونی، کە لەناویاندا ٣٧ منداڵ بوونی هەیە، هەروەها ئاماژەی بەوەشکردبوو، ئەم خێزانانە لە ١٨ ئەم مانگە تا ٢٧ـی مانگ لە قەتەر دەمێننەوە.

ڕ.ش