Li Bremenê dagirkeriya dewleta Tirk hat şermezarkirin
NAVENDA NÛÇEYAN
Li bajarê Bremen yê Almanyayê bi pêşengiya TCŞ û Defend Rojava êrişên dagirkeriyê yên dewleta Tirk hat şermezarkirin û banga xwedîderketina berxwedana gerîla hat kirin.
Li bajarê Bremen yê Almanyayê êrîşên dagirkeriyê yên dewleta Tirk hate protestokirin. Çalakiya protestoyî ku bi pêşengiya Tevgera Ciwanên Şoreşger (TCŞ) û Defend Rojava hat organîzekirin, li pêşiya Parlementoya Bremenê hat lidarxistin.
Di çalakiyê de pankartên bi nivîsa “Der Krieg begintt hier Deutsche Waffen im Einsazt gegen das Volkerrecht”, ”Stopp die türkische Invasion in Nord-Irak”, “Genozid an den Kurden! Ein Verbrechen gegen Menschlichkeit”, Berxwedana Jiyane”, ‘Stoppt den Turkischen Angriffskrieg auf Sud Kurdistan und Rojava” hatin hilgirtin.
Çalakvanan dirûşmeyên “Bijî Berxwedana Gerîla”, “Jin Jiyan Azadî”, “Hoch die internationale Solidaritat”, “Es lebe der wiederstand der wiederstand in Kurdistan” berz kirin.
Di çalakiyê de danezanên ku aktivîstên Women Defend Rojava, Gemeinsam Kämpfen amade kiribûn, hat belavkirin.