خاوه‌نی چه‌ند كۆمپانییایه‌كی حه‌ج و عه‌مره له عێراق ده‌ستگیركران
ناوەندی هەواڵەکان
وتەبێژی دەستەی حەج و عەمرەی عێراق ڕایگەیاند، كۆمەڵێك كۆمپانیا لەژێر ناوی دابینكردنی ڤیزای حەج و عەمرە هەستاون بە فریودانی هاوڵاتییان كە هیچ مۆڵەتێكیان نەبووە، بۆیە لە لایەن هێزه ئه‌منییه‌كانەوە ده‌ستگیرکراون.
حەسەن فەھد كەنانی، وتەبێژی دەستەی حەج و عەمرەی عێراق بۆ میدیا عێراقییەکان لەبارەى کۆمپانیاکانى حەج و عەمرەوە قسەى کردوە.
حەسەن فەھد كەنانی ڕایگەیاند: چەند كۆمپانیایەكی حەج و عەمرە ھاوڵاتییانیان فریوداوە و بانگەشەی ئەوەیان كردووە كە ڤیزا دابیندەكەن بۆ سعودیە و دەتوانن فەریزەی حەج بەجێبگەیەنن لە ژێر ناوی حەجی بازرگانیدا.
وتیشی: ئەو كۆمپانیایانە بەهیچ شێوەیەك مۆڵەتی كاركردنیان نییە و ڕێكاری یاسایی لە دژیان گیراوەتەبەر و خاوەنەكانیان دەستگیركراون.
وتەبێژی دەستەی حەج و عەمرەی عێراق ئاماژەى بەوەشکرد، ڤیزای حەج بۆ ھاوڵاتییان لەلایەن دەستەكەوە دەدرێت و ھیچ كۆمپانیایەك و نوسینگەیەك ڤیزا دابین ناكات.
هـ.ح
Comments are closed.