ناوەندی هەواڵەکان
بەڕێوەبەرایەتى کەشناسی هەرێمی کوردستان ڕایگەیاند، ئەمڕۆ و سبەی کەشوهەوا جێگیر دەبێت و تاڕادەیەک پلەکانی گەرما بەرز دەبنەوە و دەستەى کەشناسی عێراقیش هاوڵاتییان ئاگادار دەکاتەوە.
کەشناسی هەرێم ئاماژەى بەوەکرد، ئەمڕۆ دووشەممە، ئاسمان ساماڵ دەبێت و پلەکانی گەرما جێگیر دەبن، هاوکات سبەینێ سێشەممە، ئاسمان ساماڵ و پەڵەهەور دەبێت و پلەکانی گەرما کەمێک بەرزدەبنەوە.
لەلایەکى دیکەوە، دەستەی گشتیی کەشناسی و بومەلەرزەزانیی عێراق ڕایگەیاند، لە ئەمڕۆ دووشەممەوە تاوەکو رۆژی پێنجشەممە، شەپۆلێکی گەرما روو لە ناوچەکانی باشووری عێراق دەکات و پلەکانی گەرما بۆ سەروو ٥٠ پلە بەرز دەبنەوە.
ئاماژەی بەوەش کرد، هاوڵاتییان ئاگادار دەکەنەوە راستەوخۆ خۆیان نەدەنە بەر تیشکی خۆر و لەو گەرمایەدا کار نەکەن، چونکە دەبێتە هۆی بێهیشبوون و ماندوێتی، پێشنیار دەکەن بۆ هاوڵاتییان لەکاتەکانی نیوەڕۆدا کە لوتکەی گەرماکەیە لە ماڵەوە بمێننەوە و نەچنە دەرەوە.
بەرزترین پلەکانی گەرمای پێشبینیکراو بە پلەی سیلیزی :
هەولێر : ٤٣
سلێمانی : ٤١
دهۆک : ٤٢
کەرکوک : ٤٥
هەڵەبجە : ٤٣
زاخۆ : ٤٢
گەرمیان : ٤٦
سۆران : ٤٠
حاجی ئۆمەران : ٣١
هـ.ح
Comments are closed.