کۆمەڵەی هەرەوەزیی ژنان بەرهەمەکانیان دروێنە دەکەن
بەگیانی هاوکاریی و هەرەوەزیی نەریتی کۆنی کوردەواریی ١٨ ژنی ناوچەی تربەسپی، لە کۆمەڵەی هەرەوەزیی چاندنی ئابووریی ژن، بەرهەمەکانیان دەچننەوە و دەڵێن: ئێمە بەرپرسیاریین لە پێشخستنی چاندنیی لە وڵاتی خۆماندا.
یەکێک لەو پرۆژانەی کە لایەنی ئابووری ژن سودی لێ دەبینێت و هەموو ساڵێک بەرەو پێشەوەی دەبات، چاندنی گەنم و جۆ و دەغڵودان، ئێستاش لە گوندی مەشوق و عەلی بەدرانی ناوچەی تربەسپی لە کانتۆنی قامشلۆ، ١٨ ژن لەم وەرزەدا ٧٥ دۆنم زەویان داچاندووە.
لە ئێستادا کاتی دروێنەیە و کۆمەڵەی هەرەوەزیش دەستیان کردووە بە دورینەوەی بەرهەمەکانیان.
بەرهەمەکانی کۆمەڵەی هەرەوەزی ژنان ٧٥٪ بۆ ئەندامانی کەمۆڵەکەیە و لە ١٥٪ـشی بۆ ساڵی داهاتووی چاندنە، لە ١٠٪شی بۆ کرێی زەوی و خەرجییەکان دا دەنرێت.
“بەرپرسیارین لە پێشخستنی چاندندا لە وڵاتەکەماندا”
مەولیدە بەشیر ئەحمەد، کە چوار ساڵە ئەندامی کۆمەڵەی هەرەوەزیی ژنانە سەبارەت بە کارەکانیان وتی: ئەمساڵ بەرهەمان لە هەموو ساڵێک باشتربوو، ئێمە بەردەوام دەبین لە کاری خۆمان و دەستی لێهەڵناگرین، بۆ خاکی خۆمان خەبات دەکەین.
باسی لەوەشکرد، پەیوەندی لە نێوان ئەنادامانی کۆمەڵەگەدا زۆر باشە و هەرکەسە و کاری خۆی دەکات، وتی: ئێمە تەنیا هاوڕێنین، بەرپرسیاری پێشخستنی چاندنین لە وڵاتی خۆماندا.
ب.ق
Comments are closed.